જેસિકા
પેગુલા પણ અંતિમ ચારમાં : વિનસ વિલિયમ્સની સફર સમાપ્ત
ન્યૂયોર્ક,
તા.3: વર્ષની આખરી ગ્રાંડસ્લેમ ટેનિસ ટૂર્નામેન્ટ યૂએસ ઓપનના મેન્સ સિંગલ્સના સેમિ
ફાઇનલમાં દિગ્ગજ ખેલાડી નોવાક જોકોવિચ અને વિશ્વ નંબર બે યુવા ખેલાડી કાર્લોસ અલ્કરાજનો
આમનો-સામનો થશે. અલ્કરાજ અને જોકોવિચ વચ્ચે અત્યાર સુધી 8 મુકાબલા થયા છે. જેમાં જોકોવિચની
પ મેચમાં જીત થઇ છે.
સ્પેનના
કાર્લેસ અલ્કરાજે ક્વાર્ટર ફાઇનલ મેચમાં ઝેક ગણરાજ્યના ખેલાડી જિરિ લેહેકાને આસાનીથી
6-4, 6-2 અને 6-4થી હાર આપી યુએસ ઓપનમાં પહેલીવાર સેમિ ફાઇનલમાં જગ્યા બનાવી હતી. જ્યાં
તેનો સામનો 24 વખતના ગ્રાંડસ્લેમ વિજેતા સર્બિયાના નોવાક જોકોવિચ સામે થશે. તેણે રેકોર્ડ
14મી વખત યૂએસ ઓપનના સેમિમાં જગ્યા બનાવી છે. જોકોવિચે અમેરિકી ખેલાડી ટેલર ફિટ્ઝને
6-3, 7-પ, 3-6 અને 6-4થી હાર આપી હતી. ગયા વર્ષના ઉપવિજેતા ટેલર ફિટ્જ વિરુદ્ધ જોકોવિચનો
જીતનો રેકોર્ડ 11-0 છે.
આ સાથે
જ જોકોવિચ રેકોર્ડ પ3મી વખત ગ્રાંડસ્લેમ ટૂર્નામેન્ટના સેમિ ફાઇનલમાં પહોંચ્યો છે.
જેમાં ફલેશિંગ મીડોઝ પર 14મી વાર અંતિમ ચારમાં જગ્યા બનાવી છે.
બીજી
તરફ મહિલા વર્ગમાં જેસિકા પેગુલાએ ઝેક ખેલાડી બારબોરા ક્રેસિકોવાને 6-3 અને 6-3થી હાર
આપી કેરિયરના બીજા ગ્રાંડસ્લેમ સેમિ ફાઇનલમાં જગ્યા બનાવી છે. તેણી ગયા વર્ષે ફાઇનલમાં
આર્યના સબાલેંકા સામે હારી હતી. આ વખતે પેગુલાની સેમિમાં ટકકર સબાલેંકા સામે થશે. કારણ
કે માર્કેટા વોંડ્રાસોવાએ ઇજાને લીધે વોકઓવર આપી દીધો હતો. મહિલા સિંગલ્સના બીજા સેમિ
ફાઇનલમાં ઇગા સ્વિયાતેક સામે આમંદા અનીસીમોવા હશે. જેને સ્વિયાતેકે વિમ્બલ્ડન ફાઇનલમાં
6-0 અને 6-0થી હાર આપી હતી.
મહિલા
ડબલ્સમાં 4પ વર્ષીય વિનસ વિલિયમ્સ અને 24 વર્ષીય લૈલા ફરર્નાન્ડિસની જોડી ક્વાર્ટર
ફાઇનલમાં ટોચના ક્રમની જોડી ટેલર ટાઉનસેંડ-કેટરિના સિનિયાકોવા સામે 1-6 અને 2-6થી હારીને
બહાર થઇ હતી.
