કપ્તાન ગિલ 77 રને આઉટઃ ઈંગ્લેન્ડ તરફથી બેન ડકેટની સદી
લંડન તા.19ઃ ઇંગ્લેન્ડ સામેના ત્રીજા અને નિર્ણાયક વન ડે મેચમાં 388 રનના કઠિન વિજય લક્ષ્યાંકનો પીછો ભારતીય ટીમે સાહસિક રીતે કરીને 2પ ઓવરમાં 1 વિકેટે 149 રન કર્યાં હતા. કપ્તાન શુભમન ગિલ 77 રનની ઈનિંગ રમી આઉટ થયો હતો. તેના અને રોહિત વચ્ચે પહેલી વિકેટમાં 147 રનની ભાગીદારી થઇ હતી. રોહિત અર્ધસદી પૂરી કરી 68 રને રમતમાં હતો.
અગાઉ ટોસ જીતી પ્રથમ દાવ લેનાર ઇંગ્લેન્ડ ટીમે ભારતીય બોલર્સ સામે હલ્લાબોલ કરીને લોર્ડસ મેદાન પરનો સૌથી મોટો ટોટલ સ્કોર 387 રન 3 વિકેટે નોંધાવ્યો હતો. જેમાં બેન ડકેટની 141 રનની ધૂંઆધાર ઇનિંગ હાઇલાઇટમાં રહી હતી. ઇંગ્લેન્ડે આખરી 10 ઓવરમાં પાવર હિટિંગ કરીને 126 રનનો ઉમેરો કર્યો હતો. જે દરમિયાન આખરી પ ઓવરમાં 82 રન ફટકારીને મેદાન પર રનનો ધોધ વહાવ્યો હતો. ઇંગ્લેન્ડ તરફથી પહેલી વિકેટમાં બેન ડકેટ અને જેકોબ બેથેલ વચ્ચે 192 રનની ઝડપી ભાગીદારી થઇ હતી. બેથેલ 93 દડામાં 11 ચોક્કા-2 છક્કાથી 91 રને આઉટ થયો હતો જ્યારે બેન ડકેટે લોર્ડસ મેદાન પર વન ડે ફોર્મેટનો સૌથી વધુ સ્કોરનો રેકોર્ડ બનાવ્યો હતો. તે 13પ દડામાં 18 ચોક્કા-1 છક્કાથી 141 રને આઉટ થયો હતો. રનમશીન રૂટ 48 દડામાં 9 ચોક્કાથી 74 રને બટલર માત્ર 13 દડામાં 4 ચોક્કા - 3 છક્કાથી 41 રને નોટઆઉટ રહÎા હતા. કેપ્ટન બ્રુક 14 રને આઉટ થયો હતો. પ્રસિદ્ધ કૃષ્ણાએ 2 વિકેટ લીધી હતી.
