ભારત-આસિયાન જોડાયેલા છે સંયુક્ત મૂલ્યોથી : મોદી

નવી દિલ્હી, તા.26: પ્રધાનમંત્રી નરેન્દ્ર મોદીએ આસિયાન પરિષદને વર્ચ્યુઅલી સંબોધન કર્યું હતું. વીડિયો કોન્ફરન્સિગ દ્વારા ભાષણમાં તેમણે કહ્યું હતું કે, મને આસિયાન પરિવાર સાથે જોડાવાનો મોકો મળ્યો છે. આસિયાન ભારતની એક્ટ ઈસ્ટ નીતિમાં સૌથી મહત્ત્વપૂર્ણ હિસ્સો છે. મોદીએ કહ્યું હતું કે, હું મલેશિયાના પ્રધાનમંત્રી અનવર ઇબ્રાહિમને આસિયાનની સફળ અધ્યક્ષતા માટે હાર્દિક અભિનંદન પાઠવું છું. ભારતના કન્ટ્રી કોઓર્ડિનેટર તરીકેની જવાબદારી સફળતાપૂર્વક નિભાવવાના માટે હું ફિલિપાઇન્સના પ્રધાનમંત્રીનો આભાર માનું છું. આસિયાનના નવા સભ્ય તરીકે ઇસ્ટ તિમોરનું સ્વાગત કરું છું. તેમણે કહ્યું કે ભારત હંમેશા આસિયાનની નેતાગીરી અને ઈન્ડો-પેસિફિક ક્ષેત્ર માટેના તેના દૃષ્ટિકોણનું સમર્થન કરે છે.

મોદીએ આગળ કહ્યું હતું કે, ભારત અને આસિયાન સાથે મળીને વિશ્વની લગભગ ચોથી હિસ્સો આબાદીનું પ્રતિનિધિત્વ કરે છે. અમે ફક્ત ભૌગોલિક નજીકતાથી જ નહીં, પરંતુ ઐતિહાસિક સંબંધો અને સામાન્ય મૂલ્યોની ડોરથી પણ જોડાયેલા છીએ. અમે ગ્લોબલ સાઉથના સહયાત્રી છીએ. અમે ફક્ત વેપારી જ નહીં પરંતુ શક્તિશાળી ભાગીદાર પણ છીએ.

તેમણે કહ્યું હતું કે, આપણી ભાગીદારી અને શક્તિ વૈશ્વિક સ્થિરતા અને વિકાસ માટે મજબૂત આધારરૂપ બની રહી છે. આ વખતની આસિયાન સમિટની થીમ છે ઈન્ક્લુઝીવ-સસ્ટેનેબિલિટી. આ થીમ આપણાં સંયુક્ત પ્રયત્નોમાં સ્પષ્ટપણે દેખાય છે.