કોડિનાર, તા.16: ગિર સોમનાથના કોડિનારના રોણાજ રોડ પર ગઈકાલે બપોરે જૂના મનદુ:ખમાં એક શીખ યુવાન પર જીવલેણ હુમલો થયો હતો, જેમાં પોલીસે ત્વરિત કાર્યવાહી કરી છ આરોપીની ધરપકડ કરી છે. ચશ્મા વેચતા અવતારાસિંઘ પર ટાટા સુમોમાં આવેલા હુમલાખોરોએ તલવાર અને હોકી વડે હુમલો કરતા ગંભીર ઈજાઓ પહોંચી હતી, જેની પાછળ પીડિતની પત્નીએ પોતાના પિતા અને ભાઈ દ્વારા અપાયેલી સોપારી જવાબદાર હોવાનો આક્ષેપ કર્યો છે. પોલીસે ધરપકડ કરાયેલા પાંચ આરોપીઓનું જાહેરમાં સરઘસ કાઢી ગુનાનું રિકન્સ્ટ્રક્શન કર્યું હતું, જ્યાં સ્થાનિક લોકોએ પોલીસની કામગીરીને ફૂલો વધાવી બિરદાવી હતી; હાલ આ મામલે સસરા અને સાળા સહિતના તમામ આરોપીઓ વિરુદ્ધ કાયદેસરની તપાસ ચાલુ છે.
