50 વર્ષ બાદ પાક.ના સંરક્ષણ દળોની વ્યવસ્થામાં જબરદસ્ત બદલાવ
ઈસ્લામાબાદ,
તા.6 : પાકિસ્તાની સંસદે દેશના ઈતિહાસમાં પહેલીવાર એક અધિકારીને સેના, નૌસેના અને વાયુસેનાની
સંયુક્ત કમાન સોંપી દીધી છે. ઓગસ્ટના અંતે નેશનલ એસેમ્બલીમાં પાકિસ્તાન સંરક્ષણ દળ
ધારો-2026 પસાર થયો હતો અને તેમાં ચીફ ઓફ ડિફેન્સ ફોર્સીઝ પદ નિર્મિત કરવામાં આવ્યું
હતું. આ સાથે જ ફીલ્ડ માર્શલ આસિમ મુનીર પાક.નાં પહેલા સીડીએફ બની ગયા છે. તેઓ સેના
પ્રમુખ તરીકે પોતાની વર્તમાન ભૂમિકાની સાથોસાથ આ પદ પણ સંભાળશે.
આ પહેલા
પાક.માં કોઈપણ કાયદાથી એક અધિકારીને સેનાની ત્રણેય પાંખો ઉપર આવો કોઈ ઔપચારિક અધિકાર
મળતો ન હતો. 1976 બાદ પાક.ની સૈન્ય કમાનમાં આ સૌથી મોટું પરિવર્તન છે. અત્યાર સુધી
આનું સમકક્ષ પદ સંયુક્ત ચીફ ઓફ સ્ટાફ કમિટીનાં અધ્યક્ષનું હતું. જેને 1976માં સેનાઓ
વચ્ચે તાલમેલ જાળવવા માટે બનાવવામાં આવ્યું હતું.
