ઇંગ્લેન્ડને આંચકો આપી ઘાનાએ મેચ ડ્રો કર્યો

કોલંબિયાનો નોકઆઉટ રાઉન્ડમાં પ્રવેશ: પાનામા સામે ક્રોએશિયાની 1-0 ગોલથી જીત

ન્યૂયોર્ક, તા.24: ફીફા વર્લ્ડ કપના ગઇકાલના ગ્રુપ એલના મેચમાં ખિતાબની દાવેદાર પૈકિની એક ટીમ ઇંગ્લેન્ડ સામે ઘાના દેશની ટીમે જબરદસ્ત ટક્કર આપી મેચ 0-0થી ડ્રો કર્યો હતો. ઘાના ટીમના આ ઉલટફેરથી ઈંગ્લેન્ડની નોકઆઉટ રાઉન્ડમાં પહોંચવાની રાહ થોડી કઠિન બની છે. જો કે ઈંગ્લેન્ડ અને ઘાના 2-2 મેચ પછી 4-4 અંક ધરાવે છે અને ગ્રુપમાં પહેલા-બીજા સ્થાને છે.

કેપ્ટન હેરી કેન સહિતના ઇંગ્લેન્ડના બીજા સ્ટ્રાઇકર ઘાનાની રક્ષા હરોળને ભેદી શકયા ન હતા. આથી મેચ અંતમાં ગોલરહિત ડ્રો રહ્યો હતો અને બન્ને ટીમને 1-1 પોઇન્ટ મળ્યા હતા.

ગ્રુપ કેના ગઇકાલના મેચમાં કોલંબિયાએ ડીઆર કોંગો સામે 1-0 ગોલથી નિર્ણાયક વિજય હાંસલ કરીને નોકઆઉટ રાઉન્ડમાં જગ્યા બનાવી હતી. મેચનો એકમાત્ર ગોલ કોલંબિયન ખેલાડી મુનોજે 76 મિનિટે કર્યો હતો. કોલંબિયાએ પહેલા મેચમાં ઉઝબેકિસ્તાનને 3-1થી હાર આપી હતી.

ક્રોએશિયાને પોઇન્ટ ટેબલ પર ખાતું ખોલાવી નોકઆઉટ રાઉન્ડની આશા જીવંત રાખી છે. ગ્રુપ એલના મેચમાં ક્રોએશિયાનો પનામા વિરુદ્ધ 1-0 ગોલથી વિજય થયો હતો. મેચની પ6મી મિનિટે ક્રોએશિયા તરફથી અંટે બુદિમિરે ગોલ કર્યો હતો. ક્રોએશિયાના કપ્તાન લુકા મોડ્રિચની કેરિયરનો આ 200મો ઈન્ટરનેશનલ મેચ હતો. જેમાં ટીમને જીત મળી હતી જ્યારે સતત બીજી હારથી પનામાની નોકઆઉટ રાઉન્ડમાં પહોંચવાની આશા ખતમ થઇ છે.