-મેન્સ
ડબલ્સમાં ભારતનો યૂકી ભાંબરી ઓસિ. જોડીદાર સાથે બીજા રાઉન્ડમાં
મેલબોર્ન,
તા.21: વર્ષની પ્રથમ ગ્રાંડસ્લેમ ટેનિસ ટૂર્નામેન્ટ ઓસ્ટ્રેલિયન ઓપનમાં મહિલા અને પુરુષ
વિભાગના નંબર વન ખેલાડી આર્યના સબાલેંકા અને કાર્લોસ અલ્કરાજે આગેકૂચ કરી છે. બીજી
તરફ બ્રિટનની યુવા ખેલાડી એમ્મા રાડુકાનો અપસેટનો શિકાર બની ટૂર્નામેન્ટની બહાર થઈ
છે.
સ્પેનના
નંબર વન ખેલાડી કાલોસ અલ્કારજનો બીજા રાઉન્ડમાં જર્મન ખેલાડી યાનિક હાનફમાન વિરુદ્ધ
7-6, 6-3 અને 6-2થી વિજય થયો હતો અને ત્રીજા રાઉન્ડમાં જગ્યા બનાવી હતી જ્યારે મહિલા
વિભાગમાં બેલારૂસની નંબર વન ખેલાડી આર્યના સબાલેંકાએ બીજા રાઉન્ડમાં ચીનની બિનક્રમાંકિત
ખેલાડી ઝુઓશુઆનને 6-3 અને 6-1થી હાર આપી ત્રીજા રાઉન્ડમાં પ્રવેશ કર્યો હતો. મહિલા
વિભાગના આજના અન્ય એક મેચમાં બ્રિટનની યુવા ખેલાડી એમ્મા રાડુકાનો ઉલટફેરનો શિકાર બની
હતી. તેણી બીજા રાઉન્ડમાં રૂસી ખેલાડી અનાસ્તાસિયા પોટાપોવા સામે 6-7 અને 2-6થી હારીને
બહાર થઈ હતી. 12 ક્રમની યૂક્રેનની એલિના સ્વિતોલિના પણ ત્રીજા રાઉન્ડમાં પહોંચી છે.
આ ઉપરાંત અમેરિકી યુવા ખેલાડી અને વિશ્વ નંબર 3 કોકો ગોફ સર્બિયન ખેલાડી ઓલ્ગા ડેનેલોવિચ
વિરુદ્ધ 6-2 અને 6-2થી જીત મેળવી ત્રીજા રાઉન્ડમાં પહોંચી છે.
મેન્સ
સિંગલ્સમાં 11મા નંબરના રશિયન ખેલાડી દાનિલ મેદવેદેવનો બીજો રાઉન્ડમાં ફ્રાંસના ખેલાડી
કવેટિંલ હાલિસ વિરુદ્ધ 6-7, 6-3, 6-4 અને 6-2થી વિજય થયો હતો.
મેન્સ
ડબલ્સમાં ભારતનો યૂકી ભાંબરી અને તેનો ઓસ્ટ્રેલિયન જોડીદાર પહેલા રાઉન્ડમાં ફ્રાંસની
જોડી સામે 6-3 અને 6-4થી જીત મેળવી બીજા રાઉન્ડમાં પહોંચ્યા છે.
