મહિલા
સશક્તિકરણના અભિગમને વધુ વ્યાપક બનાવવા માટે મુખ્યમંત્રીનો મહત્ત્વપૂર્ણ નિર્ણય
રાજકોટ,
તા. 18 : ગુજરાત સરકારે ટેક્સટાઈલ પોલિસી-2024માં પહેલી વાર ગ્રામીણ અને શહેરી વિસ્તારોની
મહિલાઓના સ્વ સહાય જૂથ સેલ્ફ હેલ્પ ગ્રુપના સશક્તિકરણ અને આવક વૃદ્ધિનો અભિગમ અપનાવેલો
છે. મુખ્યમંત્રી ભૂપેન્દ્ર પટેલે મહિલા સશક્તિકરણના આ અભિગમને વધુ વ્યાપક બનાવવા માટે
ટેક્સટાઈલ પોલિસીની કેટલીક જોગવાઈઓમાં મહત્ત્વપૂર્ણ સુધારા કરવાના દિશા નિર્દેશો આપ્યા
છે.
તદઅનુસાર, નેશનલ રૂરલ લાઈવલી હુડ મિશન તથા નેશન અર્બન
લાઈવલી હુડ મિશનમાં નોંધાયેલા કે અન્ય સ્વૈચ્છિક સ્વ સહાય જૂથ જેમાં આજીવિકાના સમાન
હેતુ થી જોડાયેલી મહિલાઓના એક અથવા એકથી વધુ સેલ્ફ હેલ્પ ગ્રુપને ટેક્સટાઈલ પોલિસી
અંતર્ગત લાભ મળી શકશે. મુખ્યમંત્રીએ એક અન્ય નિર્ણય એવો પણ કર્યો છે કે, રાજ્યમાં મ્યુનિસીપલ
એરીયાની હદમાં આવતા હોય તેવા ગારમેન્ટ, એપેરલ અને મેડઅપ્સ, સ્ટીચીંગ, એમ્બ્રોઈડરી તથા
અન્ય એક્ટિવિટી સાથે સંકળાયેલા નોન પોલ્યુટીંગ ટેક્સટાઈલ મેન્યુફેક્ચરીંગ એક્ટિવિટીવાળા
એકમોને પણ આ ટેક્સટાઈલ પોલિસી-2024નો લાભ અપાશે.
રાજ્યની અર્થવ્યવસ્થા અને દેશની આર્થિક પ્રગતિમાં
મહત્ત્વપૂર્ણ ભૂમિકા નિભાવતા કાપડ ઉદ્યોગની ટેક્સટાઈલ વેલ્યુ ચેઈનના દરેક સેગમેન્ટનું
એનાલીસીઝ કરીને ગારમેન્ટ અને એપેરલ તથા ટેકનિકલ ટેક્સટાઈલમાં વિશેષ ફોકસ કરવાનો વ્યૂહ
ટેક્સટાઈલ પોલિસી-2024માં મુખ્યમંત્રીએ અપનાવ્યો છે. આના ભાગરૂપે ટેક્સટાઇલની નોન પોલ્યુટીંગ
પ્રવૃત્તિ ગારમેન્ટ, એપેરલ અને મેડઅપ્સ, (જુઓ પાનું 10)
સ્ટીંચીંગ,
એમ્બ્રોડરી તથા અન્ય વેલ્યુએડેડ એક્ટિવિટિ ધરાવતા એકમો કે જે ગુજરાત પોલ્યુશન કન્ટ્રોલ
બોર્ડની પ્રર્વતમાન વ્હાઈટ કેટેગરી તથા ગ્રીન કેટેગરી અથવા તેને સમકક્ષ જીપીસીબીના
પ્રવર્તમાન જોગવાઈ / કેટેગરી ક્લાસીફીકેશન હેઠળ સમાવેશ થતા તેમજ મ્યુનિસિપલ કોર્પોરેશન
વિસ્તારની હદમાં સ્થાપિત એકમોને પણ ગુજરાત ટેક્સટાઈલ પોલીસી 2024 અંતર્ગત સહાય પાત્ર
ગણવામાં આવશે.
આ નિર્ણયથી રાજ્યના મ્યુનિસિપલ કોર્પોરેશન વિસ્તારની
હદમાં આવેલા નોન પોલ્યુટીગ ટેક્સટાઈલ એકમોને યોજનાનો બહોળો લાભ મળશે. એટલું જ નહીં,
શહેરી વિસ્તારમાં રોજગાર સર્જનને પ્રોત્સાહન મળશે તથા કુશળ/અર્ધકુશળ કામદારો માટે સ્થાનિક
સ્તરે રોજગારની તકો વધશે. નોન-પોલ્યુટીંગ ટેક્સટાઈલ પ્રવૃત્તિઓને શહેરી વિસ્તારમાં
માન્યતા મળવાથી સૂક્ષ્મ, નાના અને મધ્યમ ઉદ્યોગો (ખજખઊત)ને વિકાસ માટે પણ અનુકૂળ વાતાવરણ
મળશે.
આ ઉપરાંત મ્યુનિસિપલ કોર્પોરેશન વિસ્તારમાં ઉપલબ્ધ
આંતર માળખાકીય સુવિધાઓનો અસરકારક ઉપયોગ થશે, જેના કારણે ઉત્પાદન ખર્ચમાં ઘટાડો થશે
અને સ્પર્ધાત્મકતાને પ્રોત્સાહન મળશે. ગારમેન્ટ, એપેરલ, સ્ટીચીંગ તથા એમ્બ્રોડરી જેવી
લેબર-ઇન્ટેન્સિવ અને નોન-પોલ્યુટીંગ ટેક્સટાઈલ પ્રવૃત્તિઓ શહેરી વિસ્તારમાં સ્થિત થવાથી
મહિલા કર્મચારીઓને સ્થાનિક સ્તરે રોજગારીની વધુ તક ઉપલબ્ધ થશે, જેના પરિણામે તેમની
સામાજિક-આર્થિક સ્થિરતા વધશે તેમજ કાર્ય-જીવન સંતુલન જાળવવામાં સહાય મળશે.
