(અમારા પ્રતિનિધિ તરફથી)
અમદાવાદ,તા.6
: રાજ્યમાં સ્થાનિક સ્વરાજ્યની ચૂંટણીને ધ્યાનમા રાખીને પાસાના મહત્તમ કેસ કરવા, સંવેદનશીલ
જિલ્લાઓમા કોમ્બિંગ કરવા સહિતના આદેશ પોલીસ કમિશનરો અને જિલ્લા પોલીસ વડાઓને કરાયા
છે.
ગુજરાત રાજ્યમાં આગામી 26 એપ્રિલ 2026ના રોજ યોજાનાર
સ્થાનિક સ્વરાજની ચૂંટણીઓ સંદર્ભે આજે રાજ્યના પોલીસ વડા ડૉ. કે.એલ.એન. રાવ દ્વારા
પોલીસ ભવન ખાતેથી વિડિયો કોન્ફરન્સના માધ્યમથી તમામ પોલીસ કમિશનરો અને જિલ્લા પોલીસ
વડાઓ સાથે એક મહત્વપૂર્ણ સમીક્ષા બેઠક યોજવામાં આવી હતી. આ બેઠકમાં રાજ્યમાં મુક્ત
અને ન્યાયી વાતાવરણમાં મતદાન સંપન્ન થાય તે હેતુથી કાયદો અને વ્યવસ્થાની સ્થિતિની સઘન
સમીક્ષા કરવામાં આવી હતી.
રાજ્ય
પોલીસ વડાએ આદેશ આપ્યા છે કે તમામ યુનિટોએ પ્રતિબંધાત્મક કાર્યવાહી કરવા તથા મહત્તમ
ઙઅજઅના કેસો કરવા અને ખાસ કરીને લાંબા સમયથી ફરાર આરોપીઓ અને હિસ્ટ્રીશીટરો સામે કડક
પગલાં લેવા. વિવિધ સંવેદનશીલ જિલ્લાઓમાં કોમ્બિગ કામગીરી સઘન કરવા અને ગેરકાયદેસર હથિયારો
તેમજ પ્રોહિબિશનની પ્રવૃત્તિઓ પર ખાસ નજર રાખી કડક કાર્યવાહી કરવા માટે ઉચ્ચ અધિકારીઓને
વ્યક્તિગત ધ્યાન આપવા સૂચના અપાઈ છે.
ખાસ
કરીને નોન-બેલેબલ વોરંટ તાત્કાલિક બજાવવા આદેશ અપાયા છે. 2021ની ચૂંટણીમાં નોંધાયેલા
ગુનાઓ, ખાસ કરીને દાહોદ જેવા સંવેદનશીલ વિસ્તારોને ધ્યાનમાં રાખીને વધારાનું પોલીસ
બળ તૈનાત કરવામાં આવશે અને આંતરરાજ્ય સરહદો પર સઘન ચાકિંગ હાથ ધરવામાં આવશે.
રાજ્યમાં
1 એપ્રિલથી આચારસંહિતા અમલી બની છે, ત્યારે ચૂંટણી પ્રક્રિયા અનુસંધાને આખરી ઓપ આપવા
માટે એડીજીપી (ATS) અમિત વિશ્વકર્માની નોડલ અધિકારી તરીકે નિયુક્તિ કરવામાં આવી છે.
આગામી
11 એપ્રિલે ઉમેદવારી ફોર્મ ભરવાની અને 15 એપ્રિલે ફોર્મ પરત ખેંચવાની અંતિમ તારીખ છે.
26 એપ્રિલે મતદાન અને 28 એપ્રિલે મતગણતરી બાદ 30 એપ્રિલ સુધીમાં સમગ્ર પ્રક્રિયા પૂર્ણ
કરવામાં આવશે. આ ઉપરાંત, 23 એપ્રિલે ઉમરેઠ વિધાનસભાની પેટાચૂંટણી પણ યોજાનાર છે. ત્યારે
કાયદો-વ્યવસ્થા જાળવવા પોલીસ સાબદી થઈ છે.
------------
9
હજાર જેટલા એલઆરડી અને વન અધિકારીઓને પણ ચૂંટણી ફરજમાં જોડાશે
સુરક્ષા
વ્યવસ્થાને વધુ મજબૂત બનાવવા માટે રાજ્યના 9000 જેટલા તાલીમબદ્ધ LRD રિક્રુટ્સ અને
વન વિભાગના અધિકારીઓને પણ ચૂંટણી ફરજમાં જોડવામાં આવશે. જે પોલીસ અધિકારીઓની બદલી થઈ
છે તેઓને 24 કલાકમાં રિલીવ કરી નવી જગ્યાએ મતદાન કેન્દ્રો અને સંવેદનશીલ વિસ્તારોનું
નિરીક્ષણ કરવા જણાવાયું છે.
------------------
વીઆઈપી
સુરક્ષા અને કોમ્યુનિકેશન સિસ્ટમ સુદ્રઢ કરવા સૂચના
રાજ્યના
પોલીસ વડાએ તમામ અધિકારીઓને જિલ્લા ચૂંટણી અધિકારી અને કલેક્ટર સાથે સંકલન જાળવી, વીઆઈપી
સુરક્ષા અને કોમ્યુનિકેશન સિસ્ટમ સુદ્રઢ કરવા સૂચના આપી હતી. 15 એપ્રિલ પછી ઉમેદવારોની
આખરી યાદી જાહેર થતા જ પોલીસ દ્વારા ફૂટ પેટ્રાલિંગ અને મોબાઇલ પેટ્રાલિંગ વધારી દેવામાં
આવશે. ગાંધીનગર સ્થિત IBની ટીમો પણ સતત મોનિટારિંગ કરશે જેથી કોઈપણ અનિચ્છનીય બનાવને
અટકાવી શકાય અને મતદારો કોઈપણ ભય વગર પોતાના મતાધિકારનો ઉપયોગ કરી શકે.
