આજે અમદાવાદમાં રાજસ્થાન રોયલ્સ અને ગુજરાત ટાઇટન્સની ટક્કર
અમદાવાદ,
તા.3: માત્ર 1પ વર્ષની ઉંમરે પોતાની બેટિંગથી હાહાકાર મચાવી દેનાર વૈભવ સૂર્યવંશીને
રોકવો ગુજરાત ટાઇટન્સની પ્રાથમિકતા હશે. શનિવારે આઇપીએલમાં ડબલ હેડર છે. બીજો મેચ ગુજરાત
ટાઇટન્સ અને રાજસ્થાન રોયલ્સ વચ્ચે નરેન્દ્ર મોદી સ્ટેડિયમ પર રમાશે. આ બન્ને ટીમે
સીઝનની શરૂઆત અલગ-અલગ રીતે કરી છે. ગુજરાતને તેના પહેલા મેચમાં પંજાબ કિંગ્સ સામે હાર
સહન કરવી હતી જ્યારે રાજસ્થાન રોયલ્સે તેના પહેલા મેચમાં સીએસકે વિરુદ્ધ વૈભવી વિજય
પ્રાપ્ત કર્યો હતો.
હવે
શનિવારે જ્યારે વૈભવ સૂર્યવંશી ક્રિઝ પર આવશે ત્યારે ગુજરાત ટાઇટન્સનું લક્ષ્ય તેને
જલ્દીથી આઉટ કરવાનો હશે. પાવર પ્લેમાં વૈભવની વિકેટ સૌથી કિંમતની બની રહેશે. પહેલા
મેચમાં 1પ દડામાં અર્ધસદીથી વૈભવનું મનોબળ મજબૂત છે. જો કે તેણે ત્રણ વર્લ્ડ કલાસ બોલર
કાગિસો રબાડા, મોહમ્મદ સિરાજ અને રાશિદ ખાનનો સામનો કરવાનો રહેશે. વૈભવ અને યશસ્વીની
જોડી આઇપીએલની સૌથી ખતરનાક ઓપનિંગ પેર ગણવામાં આવે છે.
બીજી
તરફ ગુજરાત ટાઇટન્સની બેટિંગ ધરી કપ્તાન શુભમન ગિલ, સાઇ સુદર્શન અને જોસ બટલર આજુબાજુ
ફરે છે. આ ત્રિપુટીએ મોટી ઇનિંગ રમવી પડશે અને સારી ભાગીદારીનું નિર્માણ કરવું પડશે.
અમદાવાદની પીચ તેની પ્રકૃતિ અનુસાર બેટધરો માટે પ્રતિકુળ રહેશે. આથી બન્ને ટીમના બોલર્સની
કસોટી નિશ્ચિત છે. ગિલની ટીમ જીટી વાપસી કરવાનું સારી રીતે જાણે છે. હોમ ગ્રાઉન્ડ પર
સીઝનનો તેમનો પહેલો મેચ હશે અને મહત્ત્વના 2 પોઇન્ટ ગજવે કરવાનો મોકો ગુમાવશે નહીં.
