ટોકિયો તા.6 : કહેવાય છે કે દુનિયામાં એક પણ એવું મશીન બન્યું નથી જેમાં એક તરફથી ખોરાક નાંખવામા આવે તો બીજીતરફથી લોહી બનીને નિકળે પરંતુ જાપાનના વૈજ્ઞાનિકોએ કૃત્રિમ લોહી બનાવવાનો ચમત્કાર કરી બતાવ્યો છે. બ્લડ ગ્રુપની કોઈ મથામણ વિના આ લોહી જરુરીયાતમંદને ચઢાવી શકાશે. આ લોહીના શરૂઆતના પરીક્ષણ આશાસ્પદ રહ્યા છે.
જાપાનની
આ શોધ લાખો જિંદગી બચાવી શકે છે. દુનિયાભરમાં રોજબરોજ દુર્ઘટના તથા ઈમરજન્સીની સ્થિતિમાં
લોહીની ઉણપથી મોટી સંખ્યામાં લોકોના મૃત્યુ થાય છે. આંકડાઓ દર્શાવે છે કે દર વર્ષે
લાખો લોકો જીવ ગુમાવે છે કારણ કે તેમને સમયસર લોહી મળી શકયું ન હતુ. વિશ્વ સ્વાસ્થ્ય
સંગઠનના વર્ષ ર0ર3ના એક રિપોર્ટ અનુસાર દર
વર્ષે દુનિયામાં આશરે 118.પ મિલિયન યુનિટ લોહીની જરુર પડે છે. પરંતુ માત્ર 87 મિલિયન
યુનિટ લોહી જ ઉપલબ્ધ થાય છે. રિપોર્ટ અનુસાર આ લોહીને અસલ લોહીના વિકલ્પ તરીકે ઉપયોગમાં
લઈ શકાશે. મહત્વનું એ છે કે આ કૃત્રિમ લોહી યુનિવર્સલ છે એટલે કે કોઈ પણ બ્લડ ગ્રુપના
વ્યકિતને તે ચઢાવી શકાય છે. ઉપરાંત તેને ફ્રિઝ વિના પણ લાંબો સમય સુરક્ષિત રાખી શકાય
છે. જાપાનની નારા મેડિકલ યુનિવર્સિટીના સંશોધકોએ કિલનીકલ ટ્રાયલની તૈયારી શરુ કરી છે
જેમાં આ કૃત્રિમ લોહીનો ઉપયોગ કરાશે. ટ્રાયલ સફળ રહ્યા તો ર030 સુધીમાં જાપાન દુનિયાનો
પહેલો દેશ બની જશે જયાં કૃત્રિમ લોહીનો ઉપયોગ થતો હોય. જાપાનમાં ગત માર્ચમાં ટ્રાયલ
હેઠળ 16 વયસ્કને 100થી 400 મિલી કૃત્રિમ લોહી ચઢાવાયુ છે જેની અસરકારકતા હવે ચકાસવામાં
આવનાર છે.
