નેલ્સન તા.13: વેસ્ટ ઇન્ડિઝ સામેની પ મેચની ટી-20 શ્રેણી ન્યુઝીલેન્ડ ટીમે 3-1થી કબજે કરી છે. આજે રમાયેલા પાંચમા અને અંતિમ મેચમાં કિવિઝ ટીમનો 8 વિકેટે સરળ વિજય થયો હતો. 141 રનનો સામાન્ય વિજય લક્ષ્યાંક 26 દડા બાકી રાખીને 2 વિકેટે હાંસલ કરી લીધો હતો. કિવિઝ ઝડપી બોલર જેકબ ડફી પ્લેયર ઓફ ધ મેચ અને સિરીઝ બન્યો હતો. તેણે આ મેચમાં 31 રનમાં 4 વિકેટ લીધી હતી. સિરીઝમાં તેના ખાતામાં 10 વિકેટ રહી હતી.
ન્યુઝીલેન્ડ
તરફથી ડવેન કોન્વે 47 અને માર્ક ચેપમેન 21 રને નોટઆઉટ રહ્યા હતા. ટિમ રોબિન્સ 24 દડામાં
પ ચોક્કા-3 છક્કાથી 4પ રને અને રચીન રવીન્દ્ર 21 રને આઉટ થયા હતા. આ પહેલા વિન્ડિઝ
ટીમ 18.4 ઓવરમાં 140 રને ઓલઆઉટ થઇ હતી. જેમાં રોસ્ટન ચેઝના 38, રોમારિયો શેફર્ડના
36 અને જેસન હોલ્ડરના 20 રન મુખ્ય હતા. ડફીની 4 વિકેટ ઉપરાંત નિશમને 2 વિકેટ મળી હતી.
હવે બન્ને ટીમ વચ્ચે 3 મેચની વન ડે શ્રેણી રમાશે. જેની શરૂઆત રવિવારથી થશે.
