એલિસા હિલીની 142 રનની કેપ્ટન ઇનિંગ: સ્મૃતિના 80 અને પ્રતિકાના 75 રન એળે
ભારત:
48.1 ઓવર 330
ઓસ્ટ્રેલિયા:
49 ઓવર 7/331
વિશાખાપટ્ટનમ
તા.12: મહિલા વન ડે ઇતિહાસનો સૌથી વધુ 331
રનનો વિજય લક્ષ્યાંક હાંસલ કરીને વિશ્વ કપના આજના મેચમાં ભારત સામે વર્તમાન ચેમ્પિયન
ઓસ્ટ્રેલિયાએ 3 વિકેટે વિક્રમી અને યાદગાર વિજય હાંસલ કર્યોં હતો. ઓસ્ટ્રેલિયા તરફથી
એલિસા હિલીએ 142 રનની કેપ્ટન ઇનિંગ રમી હતી. ભારતના 330 રનના જવાબમાં ઓસ્ટ્રેલિયાએ
49 ઓવરમાં 7 વિકેટે 331 રન કર્યાં હતા. વિશ્વ કપમાં ભારતીય મહિલા ટીમની દ. આફ્રિકા
પછી ઓસ્ટ્રેલિયા સામે હાર થઇ છે. ભારતે તેની આખરી 4 વિકેટ 10 રનમાં ગુમાવી હતી અને
7 દડા બાકી રહેતા ઓલઆઉટ થઇ હતી. જે અંતમાં ભારતની હારનું મહત્વનું કારણ બન્યું હતું.
સ્મૃતિની 80 અને પ્રતિકાની 7પ રનની ઇનિંગ એળે ગઇ હતી.
ઓસ્ટ્રેલિયા
તરફથી એલિસ પેરી ફિનિશર બની હતી અને બાવન દડામાં 47 રને નોટઆઉટ રહી હતી. તેણીએ વિજય
સિકસ ફટકારી પોતાની ટીમને જીત અપાવી હતી. એલિસા હિલીએ માત્ર 107 દડામાં 21 ચોક્કા અને
3 છક્કાથી 142 રન કર્યાં હતા. આ ઉપરાંત એશ્લી ગાર્ડનરે ઝડપી 4પ રનનું યોગદાન આપ્યું
હતું. ભારત તરફથી શ્રી ચારણીએ 3 વિકેટ લીધી હતી. મહત્વના મેચમાં બાકીની ભારતીય બોલર
ખર્ચાળ સાબિત થઇ હતી.
અગાઉ
ઓસ્ટ્રેલિયાની કેપ્ટન એલિસા હિલીએ ટોસ જીતી બોલિંગ પસંદ કરી હતી. ભારતની શરૂઆત આક્રમક
રહી હતી. વર્તમાન વિશ્વ કપમાં અત્યાર સુધી નિસ્તેજ રહેનાર ભારતીય ઓપનિંગ જોડી સ્ટાર
સ્મૃતિ મંધાના અને યુવા પ્રતિકા રાવલ આજે કાંગારૂ બોલર્સની સામે તેજસ્વી બની હતી અને
શરૂઆતથી જ પાવર હિટિંગ કર્યું હતું. સ્મૃતિએ તેની વન ડે કેરિયરની 33મી અર્ધસદી અને
પ્રતિમાએ સાતમી અર્ધસદી બનાવી હતી. આ બન્ને વચ્ચે પહેલી વિકેટમાં માત્ર 147 દડામાં
1પપ રનની આક્રમક ભાગીદારી થઇ હતી. સારી શરૂઆતને લીધે ભારતીય મહિલા ટીમના 330 રન થયા
હતા.
સ્મૃતિ
મંધાના 66 દડામાં 9 ચોક્કા-3 છક્કાથી આક્રમક 80 રન કરી આઉટ થઇ હતી. આ દરમિયાન તેણીએ
કેલેન્ડર વર્ષમાં 1000 રન પૂરા કર્યાં હતા અને કેરિયરના પ000 રનના આંકડાને સ્પર્શ કર્યોં
હતો. જયારે પ્રતિકા રાવલ 96 દડામાં 10 ચોક્કા-1 છક્કાથી શાનદાર 7પ રની આઉટ થઇ હતી.
હરલીન દેઓલ (38), કપ્તાન હરમનપ્રિત કૌર (22), જેમિમાહ રોડ્રિગ્સ (33) અને ઋચા ઘોષ (32)એ
આક્રમક બેટિંગ ચાલુ રાખીને ભારતની રન રફતાર વધારી હતી. જો કે પૂંછડિયા બેટધર ફટાફટ
આઉટ થતાં ભારતે આખરી 6 વિકેટ 36 રનમાં ગુમાવી હતી. આથી ભારતીય મહિલા ટીમનો દાવ 48.પ
ઓવરમાં 330 રનના મજબૂત સ્કોર પર સમાપ્ત થયો હતો. ઓસ્ટ્રેલિયા તરફથી એનાબેલ સદરલેન્ડે
40 રનમાં પ અને સોફી મોલિન્યૂએ 7પ રનમાં 3 વિકેટ લીધી હતી.
