એકબીજાના
ઇન્ટરવ્યૂ લીધા
નવી
દિલ્હી તા.18: ચેન્નાઇ ટેસ્ટ પૂર્વે સ્ટાર બેટર વિરાટ કોહલી અને કોચ ગૌતમ ગંભીરે એક-બીજાનો
ઇન્ટરવ્યૂ લીધો હતો. જે સારો એવો ચર્ચાસ્પદ બન્યો છે. જેનો વીડિયો બીસીસીઆઇએ સોશિયલ
મીડિયા પર શેર કર્યોં છે. આ ઇન્ટરવ્યૂ દરમિયાન બન્નેએ એકબીજાની શ્રેષ્ઠ ઇનિંગો વિશે
ચર્ચા કરી હતી. કોહલીએ 2011ના વર્લ્ડ કપની ગંભીરની ઇનિંગ વિશે વાત કરી હતી. આ મુલાકાત
દરમિયાન બન્ને વચ્ચે ઘણી હસી-મજાક થઇ હતી. આ મુલાકાત પરથી એવું કહી શકાય કે વિરાટ કોહલી
અને ગૌતમ ગંભીર તેમની જૂની દુશ્મની ભુલી ચૂકયા છે. વિરાટને હવે કોચ ગંભીરના માર્ગદર્શનમાં
જ ટીમ ઇન્ડિયા તરફથી રમવાનું છે. આ મુલાકાતમાં ગંભીરે કહ્યંy ન્યુઝીલેન્ડ સામેની
10 કલાકની નેપિયર ટેસ્ટની ઇનિંગ વખતે તે હનુમાન ચાલીસા બોલતો રહેતો હતો. જયારે કોહલીએ
જણાવ્યું કે 2014માં ઓસ્ટ્રેલિયા સામેની શ્રેણી વખતે તે ઓમ નમો શિવાયના જાપ કરતો રહેતો
હતો. આ શ્રેણીમાં કોહલીએ ચાર સદી કરી હતી.
