જામનગર,
તા.25: જામનગરના ગુલાબનગર વિસ્તારમાં જાહેર સ્થળે ખડકાયેલા નાના-મોટા દબાણો પર મનપા
તંત્ર દ્વારા તવાઈ બોલાવવામાં આવી હતી. જાહેર માર્ગો પરથી તવાઈ બોલાવવામાં આવી હતી.
જાહેર માર્ગો પરથી ડઝનેક રેંકડીઓ કબજે કરી મનપા કચેરીમાં જમા કરી દેવાઈ હતી.
જામનગર-રાજકોટ
રોડના ગુલાબનગર વિસ્તારના પ્રવેશ દ્વારથી લઈને સુભાષબ્રિજ સુધીના માર્ગે અનેક સ્થળે
જાહેર રોડની બંને તરફ નાના-મોટા દબાણો તેમજ રેંકડી-કેબીનો મોટા પ્રમાણમાં ખડકાઈ ગઈ
હોવાથી મહાનગરપાલિકાની ટીમે વિશેષ ઝુંબેશ હાથ ધરી છે. ઉપરોક્ત રોડ પર જાહેર માર્ગો
પર બંધ પડેલી એક ડઝનથી વધુ રેંકડીઓ કબજે કરીને મહાનગરપાલિકાની કચેરીમાં જમા કરાવી દેવામાં
આવી છે. આ ઉપરાંત કેટલાક અન્ય ધંધાર્થીઓ કે જેઓ પોતાના માલ સામાનના વેચાણ માટે મંડપ
માંચડા ઉભા કરીને ગોઠવાઈ ગયા હતા તેવા અડધો ડઝનથી વધુ દબાણને તાત્કાલિક અસરથી ખાલી
કરાવી દઈ તેઓને પોતાનો માલ સામાન લઈને જતા રહેવા સૂચના આપવામાં આવી હતી.
