દારૂ-રોકડ સંદર્ભે પોલીસની તપાસ
અમદાવાદ, તા.17 : નરોડા પોલીસ મથકમાં ફરજ બજાવતા અને પીસીઆર વાનમાં
ઈન્ચાર્જ તરીકે નોકરી કરતા પોલીસમેન અને હોમગાર્ડ જવાને કોઈ વ્યકિત પાસેથી દારૂની બોટલો
લઈને રાખી હોવાની માહિતીના આધારે તપાસ કરતા પીસીઆર વાનમાંથી બે બોટલ દારૂ અને રૂ.30
હજારની રોકડ મળી આવતા કબજે કરી બન્ને કર્મચારીઓ સામે ગુનો નોંધી ધરપકડ કરી હતી. પોલીસે
આ મામલે વધુ તપાસ હાથ ધરી હતી.
આ અંગેની વિગત એવી છે કે, નરોડા
પોલીસ મથકમાં ડી-સ્ટાફમાં ફરજ બજાવતા કિરણકુમાર સહિતનો સ્ટાફ ફરજ પર હતો ત્યારે પીઆઈ
એ.આર.ધવને આપેલી માહિતીના આધારે પોલીસ મથકની પીસીઆર વાન નં.91માં તપાસ કરવાની સૂચના
આપી હતી. આથી પોલીસમેન કિરણકુમાર સહિતના સ્ટાફે પીસીઆર વાનની તલાસી લેતા તેમાંથી બે
બોટલ દારૂ-રૂ.30 હજારની રોકડ મળી આવતા કબજે કરી હતી.
પોલીસે પીસીઆર વાનના ઈન્ચાર્જ
સતીષ જીવણજી ઠાકોર અને હોમગાર્ડ જવાન વિક્રમસિહ
રણજીતસિહ રાજપુતને ઝડપી લીધા હતા. આ મામલે નરોડા પોલીસે કિરણકુમારની ફરિયાદ પરથી બન્ને
કર્મચારીઓ સામે ગુનો નોંધ્યો હતો અને દારૂ-રોકડ સંદર્ભે તપાસ હાથ ધરી હતી અને રિમાન્ડ
પર લેવા તજવીજ હાથ ધરી હતી.