અક્ષમ લોકોને ઘરે મળશે કોરોના રસી

અક્ષમ લોકોને ઘરે મળશે કોરોના રસી
નવીદિલ્હી,તા.23: કોરોનાનાં કેસમાં રાહતકારી ઘટાડો થયો છે અને રસીકરણનો આંકડો પણ 83 કરોડને પાર કરી ગયો છે. આ બધા વચ્ચે હવે સરકારે એક મોટા નિર્ણયમાં ડોર ટૂ ડોર વેક્સિનેશન માટે પણ અનુમતિ આપી દીધી છે. આના માટે નવી માર્ગદર્શિકા પણ જારી કરી દેવામાં આવી છે. નીતિ આયોગનાં સદસ્ય ડૉ.વી.કે.પોલે આજે આ અંગે જાણકારી આપતાં કહ્યું હતું કે, જે લોકો રસીકરણ કેન્દ્ર ઉપર જવા માટે સક્ષમ નથી તેમનાં માટે ઘરે જઈને રસીકરણની કામગીરી શરૂ કરવામાં આવી રહી છે. આની સાથે સૂચના પણ આપવામાં આવી છે કે આનાં માટે તમામ કેન્દ્રશાસિત પ્રદેશો અને રાજ્યોની સરકારે વિશેષ વ્યવસ્થા કરવી. કોરોના સંક્રમણથી સાજા થયેલા કેટલાય દર્દીઓમાં કોવિડ બાદના કેટલાંક લક્ષણો લાંબા સમય સુધી જોવા મળે છે. આ લક્ષણોની સારવાર માટે સરકારે નવી ગાઈડલાઈન્સ બહાર પાડી છે. કેન્દ્રીય આરોગ્ય અને પરિવાર કલ્યાણ પ્રધાન મનસુખ માંડવિયાએ, આરોગ્ય અને પરિવાર કલ્યાણ ખાતાના રાજ્ય કક્ષાના પ્રધાન ડૉ. ભારતી પ્રવીણ પવારની ઉપસ્થિતિમાં ‘પોસ્ટ કોવિડ સીક્વલ મોડયુલ્સ’ બહાર પાડયું છે. 

© 2021 Saurashtra Trust

Developed & Maintain by Webpioneer