કોરોનાને કારણે વીમા કવચની માગ વધી : પ્રીમિયમમાં વધારો

કોરોનાને કારણે વીમા કવચની માગ વધી : પ્રીમિયમમાં વધારો
સ્વાસ્થ્ય વીમો : કલેઈમ વધતાં કંપનીઓ દબાણ હેઠળ
નવી દિલ્હી, તા.16 : કોરોના કાળમાં દેશમાં સ્વાસ્થ્ય સેવાઓ ભલે ખાડે ગઈ હોય પરંતુ સ્વાસ્થ્ય વીમો હવે મોંઘો થવાની સંભાવના છે કારણ કે અમુક પોલીસીઓના પ્રીમિયમમાં વધારો આવી ગયો છે.
દેશમાં સ્વાસ્થ્ય વીમાની જરૂરત વધી છે. પરંતુ ગ્રાહકોને અગાઉની તુલનાએ વધુ પ્રીમિયમ ચૂકવવું પડી રહયું છે. દેશમાં હાલ જયારે કોરોનાની બીજી લહેર કાળો કહેર વરસાવી રહી છે ત્યારે સ્વાસ્થ્ય વીમો લેવા ઈચ્છુકો પર પ્રીમિયમનો બોજો વધવાની સંભાવના છે. કારણ કે છેલ્લા એક વર્ષમાં કોરોનાને કારણે કલેઈમનું ચૂકવણું વધતા વીમા કંપનીઓ દબાણ હેઠળ છે. વીમા ક્ષેત્રના નિષ્ણાતો અનુસાર કોરોનાને કારણે લોકોમાં સ્વાસ્થ્ય જાગૃતતા વધી છે. વધુને વધુ લોકો સ્વાસ્થ્ય વીમો લેવા આગળ આવી રહયા છે. જેથી આગામી સમયમાં પોલીસીના વેચાણમાં વધારો થઈ શકે છે.
સ્વાસ્થ્ય સેવાઓમાં ખર્ચ વધી રહ્યો છે અને વીમા કંપનીઓને ચૂકવણું વધ્યું હોવાથી સ્વાસ્થ્ય પોલીસીની માગને ધ્યાને લઈ વીમો મોંઘો થવાની સંભાવના છે. વીમા કંપનીઓનું ચૂકવણુ જે એપ્રિલ ર0ર0માં 4 ટકા હતુ તે હવે વધીને 40 ટકા થઈ ગયુ છે.

© 2021 Saurashtra Trust

Developed & Maintain by Webpioneer