સૌરાષ્ટ્ર યુનિ.પુન: આપશે ‘ડી.િલટ’ની માનદ્ પદવી

અત્યાર સુધીમાં સૌરાષ્ટ્ર યુનિવર્સિટીએ પાંડુરંગ શાસ્ત્રી, દત્તોપંત ઠેંગડી સહિત 13 મહાનુભાવોને એનાયત કરી છે ડિગ્રી
રાજકોટ, તા. ર: વિવિધ ક્ષેત્રોમાં દાખલારૂપ શ્રેષ્ઠ કામગીરી કરનાર મહાનુભાવોને સૌરાષ્ટ્ર યુનિવર્સિટી દ્વારા પુન: ડી.િલટની માનદ પદવી એનાયત કરવા નિર્ણય લેવાયો છે. આગામી શૈક્ષણિક વર્ષ ર0ર0-ર1માં કોન્વોકેશન સમારોહમાં જ ડી.િલટ (ડોક્ટર ઓફ લેટર્સ)ની ડિગ્રી એનાયત કરવામાં આવશે તેમ જાણવા મળ્યું છે.
સેવા, આરોગ્ય, આધ્યાત્મિક, ગીત-સંગીત, કલા, સાહિત્ય, સામાજિક વગેરે ક્ષેત્રે નિષ્ઠાપૂર્વક શ્રેષ્ઠ કામગીરી બજાવનાર મહાનુભાવોને ડી.િલટની પદવી યુનિવર્સિટી જેવી શૈક્ષણિક સંસ્થાઓ દ્વારા આપવામાં આવે છે. ઘણા દેશોમાં આ પદવી પીએચડી સમકક્ષ અથવા તેનાથી પણ ઉંચી માનવામાં આવે છે.  કોઈ દેશોમાં ડી.િલટને શૈક્ષણિક ક્ષૈત્ર તરફથી મળેલી સર્વોચ્ચ પદવી તરીકે માનવામાં આવે છે.
સૌરાષ્ટ્ર યુનિવર્સિટી દ્વારા પાંડુરંગ શાસ્ત્રી, દત્તોપંત ઠેંગડી વગેરે જેટલા 13 મહાનુભાવોને પોતાના ક્ષેત્રમાં સર્વોચ્ચ શ્રેષ્ઠ પ્રદાન બદલ ડી.િલટનું સન્માન અર્પણ કરાયું છે. જો કે મેઘાણી એવોર્ડ, હેમુ ગઢવી એવોર્ડ આપનાર સૌરાષ્ટ્ર યુનિવર્સિટીના પાછલા સત્તાધીશો દ્વારા કેટલાક વર્ષોથી કોઈ કારણોસર ડી. લિટ ડિગ્રી આપવાનું બંધ કરાયું હતું. આજરોજ ઉપકુલપતિ ડો. વિજય દેશાણીના અધ્યક્ષ સ્થાને સૌરાષ્ટ્ર યુનિવર્સિટીની બીયુટી (બોર્ડ ઓફ યુનિવર્સિટી ટીચર)ની મિટીંગ મળી હતી. જેમાં ઉપકુલપતિ દ્વારા ડિ.લીટ ડિગ્રી પુન: શરૂ કરવામાં આવે તેવો પ્રસ્તાવ મુકાયો હતો. જેને બોર્ડના સભ્યોએ સ્વીકારી લીધો હતો.
ઉપકુલપતિ ડો. દેશાણીએ જણાવ્યું હતું કે આ પ્રસ્તાવ સિન્ડિકેટ સમક્ષ મુકી તેને બહાલી મળશે ત્યાર બાદ એક પસંદગી સમિતિ દ્વારા ડી.િલટ માટે મહાનુભાવોની પસંદગી કરવામાં આવશે તેમજ આગામી વર્ષના પદવીદાન સમારોહમાં જ આ ડિગ્રી અર્પણ કરવામાં આવશે.

© 2019 Saurashtra Trust

Developed & Maintain by Webpioneer