બાયોપિક ફિલ્મમાં કામ કરવા પરિણીતી ચોપડા સુસજ્જ

બાયોપિક ફિલ્મમાં કામ કરવા પરિણીતી ચોપડા સુસજ્જ
બોલિવુડમાં યુવા પેઢીની લોકપ્રિય અભિનેત્રી પરિણીતી ચોપડા હવે બેડમિન્ટન સ્ટાર સાયના નહેવાલની બાયોપિક ફિલ્મમાં કામ કરવા જઇ રહી છે. મુંબઇમાં હવે આ ફિલ્મનુ શાટિંગ કરવામાં આવનાર છે. સાયનાની ભૂમિકા તે અદા કરનાર છે. ભૂષણ કુમાર અને અમોલ ગુપ્તે  આ ફિલ્મ બનાવી રહ્યા છે. પરિણીતી ચોપડા આ ફિલ્મને લઇને ઉત્સુક છે.  તે હાલમાં  અન્ય કેટલીક ફિલ્મોમાં કામ કરી રહી છે. જે  પૈકી અર્જુન કપૂરની ફિલ્મ સંદીપ ઔર પિન્કી ફરાર ફિલ્મનો સમાવેશ થાય છે. આ ફિલ્મની રજૂઆત વારંવાર ટળી રહી છે. જેના કોઇ કારણ આપવામાં આવી રહ્યા નથી. બીજી બાજુ તેની પાસે ધ ગર્લ ઓન ટ્રેન રહેલી છે. જેમાં અન્ય અભિનેત્રીઓ પણ તેની સાથે દેખાશે.  અજય દેવગનની એક ફિલ્મમાં પણ તે કામ કરી રહી છે. તે નક્કરપણે માને છે કે બોલિવુડની ફિલ્મોમાં અભિનેત્રીઓ માટે કોમેડી રોલ ખૂબ ઓછા લખવામાં આવે છે. વિતેલા વર્ષોમાં અભિનેત્રીઓ માટે સારા રોલ લખવામાં આવતા હતા. જો કે હવે અભિનેત્રી માટે આ પ્રકારના રોલ લખાતા નથી. તેનુ કહેવુ છે કે વર્ષો બાદ રોહિત શેટ્ટીની ફિલ્મ ગોલમાલ અગેઇન કરીને તે ખૂબ ખુશ છે. કોમેડી ફિલ્મ તમામ લોકોને પસંદ પડે છે. 30 વર્ષીય પરિણિતી હાલમાં અનેક ફિલ્મમાં કામ કરી રહી છે. તેનુ કહેવુ છે કે વિતેલા વર્ષોમાં હેમા માલિની, શ્રીદેવી, જુહી ચાવલા, કરિશ્મા કપૂર અને અન્ય કેટલીક અભિનેત્રી સારી કોમેડી ફિલ્મો કરી ચૂકી છે. જો કે આજે કોમેડી ફિલ્મ અને રોલના અભાવ દેખાઇ રહ્યા છે. પ્રથમ વખત પરિણીતી ચોપડા અજય દેવગનની સાથે થોડાક સમય પહેલા નજરે પડી હતી. પરિણીતી ચોપડા ફિલ્મોને લઇને આશાવાદી છે. સાયના નહેવાલ સુપરસ્ટાર તરીકે છે.

© 2019 Saurashtra Trust

Developed & Maintain by Webpioneer