પૂજા અને નવજોત ટ્રાયલ્સ વિના વર્લ્ડ ચેમ્પિયનશિપ માટે પસંદ

પૂજા અને નવજોત ટ્રાયલ્સ વિના વર્લ્ડ ચેમ્પિયનશિપ માટે પસંદ
નવી દિલ્હી તા.19: મહિલા પહેલવાન પૂજા ઢાંડા અને નવજોત કૌરે આજે લખનૌમાં ટ્રાયલ્સ વિના જ વર્લ્ડ ચેમ્પિયનશિપની ટિકિટ હાંસલ કરી છે. ઓલિમ્પિક ટ્રાયલ્સ વર્ગમાં પૂજાએ પ9 કિલો અને નવજોતે 6પ કિલો વજન ગ્રુપમાં તેમનું સ્થાન નિશ્ચિત કર્યું છે. અત્રે એ ઉલ્લેખનિય રહેશે કે પ7 કિલો વર્ગમાં પૂજાને સરિતા મોરેએ હાર આપી હતી. પૂજાએ ગત વર્લ્ડ ચેમ્પિયનશિપમાં કાંસ્ય ચંદ્રક જીત્યો હતો.
વર્લ્ડ ચેમ્પિયનશિપમાં ભારતીય મહિલા કુસ્તી ખેલાડીઓની ટીમ હવે ફાઇનલ થઇ છે જે આ મુજબ છે:
ભારતીય મહિલા કુસ્તી ટીમ: સીમા બિસ્લા (પ0 કિલો), વિનેશ ફોગાટ (પપ), લલિતા (પપ), સરિતા મોરે (પ7), પૂજા ઢાંડા (પ9), સાક્ષી મલિક (62), નવોજોત કોર (6પ), દિવ્યા કાકરાન (68), કોમલ (72) અને કિરણકુમારી (76 કિલો).
-----------
અભ્યાસ મેચમાં ભારત મજબૂત: 200 રનથી આગળ
કૂલિજ (એન્ટીગ્વા) તા.19 : ભારતીય ક્રિકેટ ટીમે અભ્યાસ મેચના બીજા દિવસની રમતના અંતે વેસ્ટ ઇન્ડિઝ બોર્ડ પ્રમુખ ટીમ ઇલેવન સામે 200 રનની સરસાઇ બનાવીને તેની સ્થિતિ મજબૂત બનાવી લીધી હતી. ભારતે તેનો પહેલો દાવ પ વિકેટે 297 રનના સ્કોર પર ડિકલેર કર્યોં હતો. જેમાં ચેતેશ્વર પુજારાની સદી મુખ્ય હતી. બાદમાં ગૃહ ટીમને 181 રનમાં ઓલઆઉટ કરી દીધી હતી. બીજા દિવસની રમતના અંતે ભારતના બીજા દાવમાં 3પ ઓવરમાં એક વિકેટે 84 રન થયા હતા.
મયંક અગ્રવાલ (13) ફરી નિષ્ફળ રહયો હતો. હનુમા વિહારી 40 અને અંજિકયા રહાણે 20 રને નોટઆઉટ રહયા હતા. બોલિંગમાં ભારત તરફથી ઇશાંત શર્માએ 21 રનમાં 3, ઉમેશ યાદવે 19 રનમાં 3 અને ચાઇનામેન બોલર કુલદિપ યાદવે 3પ રનમાં 3 વિકેટ લીધી હતી. વર્લ્ડ કપ બાદ પહેલીવાર રમી રહેલ જસપ્રિત બુમરાહ વિકેટથી વંચિત રહયો હતો. વિન્ડિઝ એ તરફથી કાવેમ હોજે સૌથી વધુ પ1 રન બનાવ્યા હતા. જેમાં 8 ચોકકા હતા. જોનાથન કાર્ટરે 26 રન કર્યાં હતા.

© 2019 Saurashtra Trust

Developed & Maintain by Webpioneer