મિશેલ ખોલશે પોતાના ‘આકા’ના રહસ્યો: મોદી

મિશેલ ખોલશે પોતાના ‘આકા’ના રહસ્યો: મોદી
નવી દિલ્હી, તા. પ:  ઓગસ્ટાવેસ્ટલેન્ડ ચોપરના રૂ. 3,600 કરોડના સોદાના કથિત વચેટીઆ ક્રિશ્ચિઅન મિશેલના પ્રત્યાર્પણે, કોંગ્રેસ પર પ્રહાર કરવા ભાજપને નવો દારૂગોળો પૂરો પાડયો છે. હવે આ બ્રિટીશ નાગરિક, તેણે જે જે રાજકારણીઓના કામ કરી આપ્યાં છે તે વિશેના રહસ્યો છતાં કરશે એમ વડા પ્રધાન નરેન્દ્ર મોદીએ આજે જણાવ્યું હતું. રાજસ્થાનની ચૂંટણીના પ્રચારના આજના અંતિમ દિવસે પાલી જિલ્લાના સુમેરપુર ખાતે રેલી ંસંબોધતાં તેમણે નેશનલ હેરાલ્ડ અને ઓગસ્ટાવેસ્ટલેન્ડ  કૌભાંડ સંદર્ભે કહ્યું હતું કે કોંગ્રેસ પક્ષ રોષિત થયો છે, કારણ કે એક ચાયવાલા ગાંધી પરિવારને કોર્ટમાં ખેંચી ગયો છે.(કોંગ્રેસ પ્રમુખ રાહુલ ગાંધી અને તેમનાં માતા સોનિયા ગાંધીના સંદર્ભે) તેમણે કહ્યું કે જામીન પર છૂટેલાઓને રાજસ્થાન સોંપી ન શકાય.
ચોપર ખરીદીનો કોન્ટ્રેકટ ઓગસ્ટાવેસ્ટલેન્ડની તરફેણમાં આવે તે માટે અધિકારીઓ અને રાજકારણીઓને લાંચ આપનાર કથિત વેચાટીઆ મિશેલના સંબંધે મોદીએ જણાવ્યું હતું કે ચોપરકેસની તપાસમાં એક શકમંદ શખસ (મિશેલ) હાથ લાગ્યો જે દલાલીનું કામ કરતો હતો, દેશના નામદારના મિત્રોને કટકી આપતો હતો. તેમનો ખયાલ રાખતો હતો. ઈંગ્લેન્ડનો આ નાગરિક ભાગીને દુબઈમાં રહેતો હતો. હથિયારોનો સોદાગર હતો. હેલિકોપ્ટરોના ખરીદ વેચાણમાં દલાલી કરતો હતો. 

© 2019 Saurashtra Trust

Developed & Maintain by Webpioneer