અદાલતે મર્યાદા ઓળંગવી જોઈએ નહીં: સુપ્રીમ

અદાલતે મર્યાદા ઓળંગવી જોઈએ નહીં: સુપ્રીમ
દાગી નેતાઓને ચૂંટણી લડતા રોકવા થયેલી માગણીની સુનાવણીમાં સર્વોચ્ચ અદાલતની સ્પષ્ટતા
નવીદિલ્હી, તા.9: ગંભીર અપરાધના આરોપી નેતાઓને ચૂંટણી લડતા રોકવા માટે દાખલ કરવામાં આવેલી અરજીની સુનાવણી દરમિયાન સુપ્રીમ કોર્ટે અધિકારોનાં વિભાજનની વાત કરતાં કહ્યું હતું કે અદાલતે લક્ષ્મણ રેખા પાર કરવી જોઈએ નહીં અને કાયદો ઘડવાનું કામ કોર્ટ નહીં પણ સંસદનું છે. ઉલ્લેખનીય છે કે કોર્ટમાં થયેલી અરજીમાં એવી માગણી કરવામાં આવી છે કે ગંભીર આરોપો હોય તેવા લોકોને ચૂંટણી લડતા અટકાવવાની કાનૂની જોગવાઈ કરવામાં આવે.
સુપ્રીમ કોર્ટનાં ચીફ જસ્ટીસ દીપક મિશ્રાનાં વડપણ હેઠળની ખંડપીઠે કહ્યું હતું કે સંસદનું કામ કાયદો ઘડવાનું છે અને અદાલતનું કાર્ય તેની વ્યાખ્યા કરવાનું. આ અદાલતની મર્યાદા છે. અદાલત કાનૂન બનાવી શકતી નથી કારણ કે એ બાબત સંસદનાં અધિકાર ક્ષેત્રમાં આવે છે. હા, દાગી નેતાઓ વિરુદ્ધનાં કેસ ફાસ્ટ ટ્રેક જરૂર કરી શકાય.

© 2019 Saurashtra Trust

Developed & Maintain by Webpioneer