રાજ્યપાલ વજુભાઈ વાળા સરકાર રચવા કોને આમંત્રણ આપશે ?

રાજ્યપાલ વજુભાઈ વાળા સરકાર રચવા કોને આમંત્રણ આપશે ?
આનંદ કે. વ્યાસ
નવી દિલ્હી, તા. 15 : કર્ણાટકમાં સરકાર રચવા કૉંગ્રેસ કે ભાજપને સ્પષ્ટ જનાદેશ ન મળતાં અને રાજ્યમાં ત્રિશંકુ વિધાનસભાની પરિસ્થિતિ સર્જાતા હવે સૌની નજર ગવર્નર વજુભાઈ વાળા પર ટકેલી છે જેઓ ગુજરાતના ભૂતપૂર્વ ભાજપ નેતા છે, જેમણે એક વેળા નરેન્દ્ર મોદી માટે તેમની બેઠક ખાલી કરી હતી અને તત્કાલીન મુખ્ય પ્રધાન મોદીના પ્રધાનમંડળમાં નાણાપ્રધાન રહી ચૂક્યા હતા.
જો વજુભાઈ વાળા પરંપરાને અનુસરશે તો તેઓ સૌથી મોટા પક્ષ ભાજપને સૌ પ્રથમ સરકાર રચવાનું આમંત્રણ આપશે, પરંતુ તાજેતરના ભૂતકાળમાં આ પરંપરાનું અનુસરણ ગોવા અને મણિપુરમાં કરવામાં આવ્યું નથી જ્યાં કૉંગ્રેસ સૌથી મોટો પક્ષ રહી હતી. એટલે કર્ણાટકમાં ગવર્નરની ભૂમિકા મહત્ત્વની બની રહેશે.

© 2018 Saurashtra Trust

Developed & Maintain by Webpioneer